Во Културно-информативниот центар во Скопје беше промовиран четиритомниот проект „Пролегомена за македонската фотографија“ од историчарот на уметност, критичар и публицист Златко Теодосиевски.
Четиритомното издание „Пролегомена за македонската фотографија“ е прв ваков проект кај нас посветен на историскиот развој на македонската фотографија во периодот 1855-2020 година. Низ критичка евалуација на процесите и творештвото на бројни македонски фотографи, како и соодветни компаративни согледувања, авторот ги следи креативните раскрилувања на македонската фотографија кај нас и нејзиното макотрпно етаблирање во редот на визуелните уметности во Македонија.
